יומא דהילולא פון הגה"ק רבי בנימין ראבינאוויטש זצוק"ל אפגעצייכנט בחצר הקודש משכנות הרועים
- בחצרות הקודש
- 2 בפבר׳
- זמן קריאה 1 דקות
עודכן: 3 בפבר׳
זונטאג פ' בשלח • ד' שבט תשפ"ה | בחצרות הקודש
בילדער קרעדיט: שלומי טריכטער, מ"א ניימאן, JDN
בחצר הקודש משכנות הרועים איז די וואך געפראוועט געווארן די הילולא קדישא פונעם מייסד הקהילה הגה"ק רבי בנימין ראבינאוויטש זצוק"ל ממשכנות הרועים בעל עבודת בנימין, שטייענדיג דריי און צוואנציג יאהר פון די הסתלקות בשנת תשס"ב. די היי יאריגע סעודת הילולא בראשות בנו ממלא מקומו כ"ק אדמו"ר ממשכנות הרועים שליט"א, איז געוועהן אין צוזאמענהאנג מיטן מגבית לטובת דער מפעל החסד "קופה של צדקה למען אחינו" אינערהאלב ק"ק משכנות הרועים.
א גרויסן ציבור תלמידים, חסידים ומוקירי זכרו של אותו צדיק האבן זיך פארזאמלט ביים סעודת הילולא אין די שמחת ירושלים זאל. באלד ביים ערשיינען צום שולחן הטהור האט כ"ק אדמ"ר ממשכנות הרועים שליט"א ואחיו האדמור"ים והרבנים פארגעלערנט משניות און דערויף האט מען זיך געוואשן צום סעודת ההילולא.
בשעת די סעודה האט אויפגעטרעטן מיט א דרשה הרה"צ ר' אברהם ראבינאוויטש שליט"א בן כ"ק אדמו"ר ממשכנות הרועים שליט"א וועלכער האט דערציילט עובדות און סיפורים נפלאים, און דערנאך האט מען געהערט דברות קודש פונעם רבי'ן שליט"א מתובל מדברי תורתו פונעם בעל הילולא.
צומארגנס דאנערשטאג ראש חודש, בעצם יומא דהילולא קדישא האט מען געדאווענט שחרית בצוותא חדא בבית מדרשו של רבי אין די מאה שערים געגענט, כ"ק אדמו"ר ממשכנות הרועים שליט"א האט יורד געוועהן לפני התיבה צו מוסף, און נאכן דאווענען אפגעראכטן א שולחן לחיים לכבוד היום.
דערנאך איז דער רבי שליט"א ארויסגעפארן צום ציון הק' במרומי הר הזיתים, אין שפיץ פון די עדה חסידים, וואו דער רבי האט פארגעזאגט די מזמורי תהילים און מתפלל געוועהן לישועתן של ישראל.
תגובות