דאנערשטאג פ' ויקהל פקודי - כ"ג אדר תשפ"ג
קול בחצרות - היינטיגן טאג כ''ג אדר ווערט אפגעצייכענט די ערשטע יארצייט פון הרבנית הצדקנית מתולדות אהרן ע''ה אשת חבר יבלחט''א כ''ק האדמו''ר מתולדות אהרן שליט''א, וועלכע איז ל"ע פאריאהר פריצייטיג נפטר געווארן לדאבון לב משפחתה אין קהלא קדישא תולדות אהרן בפרט וואס די רעבעצען איז די אלע יארן געשטאנען צו די האנט לטובת הקהלה, מיט אומצאליגע פעולות לטובה וואס זי האט שטענדיג עוסק געווען מיט א שטארקע געטריישאפט.
נעכטן אויפדערנאכט איז פארגעקומען די סעודת הילולא אינעם בנין התלמוד תורה מיט די השתתפות פון די בני המשפחה קינדער אין אייניקלעך אין שפיץ פונעם ראש המשפחה כ''ק האדמו''ר מתולדות אהרן שליט''א וועלכע האט זיך געוואשן צום סעודה, דער רבי האט געווינטשן לחיים אין דערנאך מכבד געוועהן דער שוואגער הגה''צ רבי אייזיק לאבין האדמו''ר מזידיטשויב בני ברק אויפצוטרעטן, דורכאויס די סעודה האבן אויך אויפגעטראטן דעם רבינס קינדער בנו הגדול הרה''צ רבי ישראל יוסף ראש כולל באר יוסף אין הרה''צ רבי אהרן אב''ד תולדות אהרן מאנסי.
הרה''צ רבי משה קאהן אב''ד תולדות אהרן לאנדאן האט געמאכט א סיום מסכת אין הרה''צ רבי ישעי' קאהן אב''ד תולדות אהרן בארא פארק האט געבענטשט אויפן כוס.
היינט צופרי נאך תפילת שחרית אין מען ארויס צום ציון אויפן הר הזיתים, מען האט געזאגט די סדר הקאפיטלעך כנהוג אין דערנאך האבן אויפגעטראטן דעם רבינס קינדער הרה''צ רבי נחום אב''ד תולדות אהרן בית שמש אין הרה''צ רבי יואל יחיאל פון קרית טאהש.
Comments