מהנעשה והנשמע בחצר הקודש רחמיסטירווקא

מיטוואך פ' תצוה - ח' אדר תשפ"ג

בילד קרדיט ארכיון אחה"מ ררחמיסטירווקא

קול בחצרות - ווי יאהר יערליך אין טאג פון ז' אדר יומא דהילולא פון משה רעיה מהימנא וועלן אין אלע ישיבות הקדושות דחסידי רחמיסטריווקא בארה''ק אפגעהאלטן ווערן סדרי לימוד חמש שעות רצופות, היינט האט זיך די רבי שליט''א באטייליגט ביי די סדר לימוד אין די ישיבה קטנה, שפעטער נאכמיטאג וועט זיך די רבי משתתף זיין ביים סידור הלימוד אין די ישיבה גדולה מאור עיניים אין נאכן סדר לימוד וועט די רבי שליט''א משמיע זיין מדברות קדשו פאר די בחורים, נעכטן אויפדערנאכט אור לז' אדר האט די רבי שליט''א אויפגעטראטן דורך א לייוו הוקאפ אויפן טעלעפאן קיין ביתר נאכן סדר הלימוד אין די ארטיגע רחמיסטריווקא ישיבה קטנה נאכדעם וואס די רבי האט זיך נישט פערזענדליך געקענט באטייליגן ביים סדר לימוד ווי געפלאנט.

נעכטן נאכמיטאג איז אריין אל הקודש פנימה צום רבין הרה''צ רבי בערל רוקח בנו הגדול פון כ''ק האד' ממכנובקא בעלזא שליט''א ובני משפחתו לרגל די חתונה פון בתו הכלה שטייענדיג נאך אין די בשעת ימי המשתה, דער רבי שליט''א האט געטירנקען לחיים אין ארויס אין א ריקוד מיט די חתן מתלמידי הישיבה אין מיטן מחותן הרה''צ רבי בערל.

אויך איז נעכטן פארגעקומען ביים רבין א מעמד כתיבת האותיות פארן ספר תורה וואס ווערט היינט אריינגעגעבן צום ביהמ''ד דברי נתפלי טשאקאווא אין בית שמש.

זינטיג נאכט האט זיך די רבי שליט''א משתתף געוועהן ביי די חתונה בשמחת בית לעלוב אין בית שמש אין ביים שבע ברכות פון אן אייניקל ביי כ''ק האד' מאמשינוב שליט''א אין ירושלים, נעכטן האט זיך די רבי באטייליגט ביי די שבע ברכות בחצר הקודש סלונים אין ביים שבע ברכות פון אן אייניקל ביי כ''ק האד' מתולדות אהרן שליט''א וואס איז פארגעקומען אין ירושלים.