בני ברק • ערשטע יארצייט אפגעצייכענט פון הרה''ח המפואר ר' חיים משה פעלדמאן ז''ל

מיטוואך פ' ויקהל פקודי - כ"ב אדר תשפ"ג

קול בחצרות - דעם זינטיג נאכט לרגל די ערשטע יארצייט פון הרבני הנגיד המפואר הרה"ח ר' חיים משה פלדמאן ז"ל, איז פארגעקומען די עלייה לקברו דורך די בני המשפחה, גוטע פריינד ומוקירי זכרו, שפעטער אויפדערנאכט איז פארגעקומען די סעודת הילולא אין די זאל פון בית וויזניץ אין שפיץ פון די אייניקלעך האחים האדמורי"ם מסאדיגורה ירושלים אין סאדיגורה לאנדאן, עס האבן זיך אויך אנגעזעהן הגה"צ רבי מנחם ארנסטר ראש ישיבת וויזניץ אין הרבנים הגאונים הצדיקים קינדער פון מרן האד' מוויז'ניץ שליט''א, ביים סעודה האט מען מעלה געווען על נס צדקותיו ופעולותיו אשר עשה, זיינע געוואלדיגע מעשי צדקה וחסד וואס וועט פארבלייבן לזכרון עולם.

מאנטיג נאכמיטאג נאכדעם וואס מרן האד' מוויז'ניץ שליט''א איז ארויף צום ציון הק' פונעם פאטער דער ישועות משה זכר צדיק לברכה איז דער רבי צוגעגאנגען צום ציון פון ר' חיים משה, דער רבי האט געליינט די נוסח המציבה, אנגעצינדן א ליכט אין געזאגט קדיש.