עולו ואתכנשו להילולא דרשב"י • סדרי וזמני ההדלקות ביום ל"ג בעומר אין אתרא קדישא מירון

זונטאג פ' אמור - ט' אייר תשפ"ג | קול בחצרות

אין די טעג איז פארענפענטליכט געווארן די פונקטליכע סדרי וזמני סדר ההדלקות רונדע דעם זייגער במשך די 24 שעה פונעם גרויסן טאג ל''ג בעומר אין אתרא קדישא מירון, דורך מרנן ורבנן האדמו"רים, רבנים וראשי הישיבות.

א צאל דעזיגנירטע ערטער אין מתחמים זענען ווי ברייט באריכטעט ספעציעל איינגערישט געווארן אויף די מעמדי ההדלקות אין טאג פון ל"ג בעומר.

די צענטראלע הדלקה אויפן דאך פונעם ציון הק' דורך כ"ק מרן אדמו"ר מבאיאן שליט"א, כחזקת אבותיו הקדושים, וועט פארקומען אום 8:30 בליל ל"ג בעומר. תיכף דערנאך וועלן פארקומען צוויי באזונדערע הדלקות אין מושב מירון, דער ערשטער דורך המקובל הגה"צ רבי בניהו שמואלי שליט"א, אין דער צווייטער דורך האדמו"ר רבי רפאל אבוחצירא שליט"א בחצר בית מדרשו אין מירון.

ביים נייעם מתחם ההילולא וועט פארקומען דעם ערשטער הדלקה אום 9:30, דורכן ראשון לציון אין הויפט רב פון ירושלים, הגאון רבי שלמה עמאר שליט"א. בשעה 11:00 וועט פארקומען ביים מתחם פון בני עקיבא, די יערליכע הדלקה דורך כ"ק מרן אדמו"ר מקארלין סטאלין שליט"א. ווי אויך די הדלקה פון כ"ק אדמו"ר מזוועהיל שליט"א, וועלכע וועט אויך פארקומען ביים מתחם פון בני עקיבא, בשעה 11:00 בליל ל"ג בעומר.

ביים מתחם ההילולא וועט פארקומען אום 11:00 די הדלקה דורך קהילת 'חוט של חסד' בנשיאות הגאון רבי שלום ארוש אין אום 11:30 וועט פארקומען די הדלקה דורך ישיבת אורייתא. בשעה 2:00 באנאכט, וועט פארקומען דער גרויסארטיגער הדלקה דורך המשפיע הגה"צ רבי אלימלך בידערמאן שליט"א, וועלכע וועט זיך אריינציען עד אור הבוקר ביים מתחם ההילולא סמוך ונראה צו אתרא קדישא מירון.

ביים מתחם בני עקיבא, וועט פארקומען די הדלקה דורך הרה"ג ר' שמואל אליהו שליט"א די הויפט רב פון צפת, אין אין די זעלבדע צייט וועט פארקומען די הדלקה דורך קהילת ברסלב ביים מתחם ההילולא. שפעטער דורכאויס די נאכט אין די צופרי שעהן וועלן פארוקמען מערערע הדלקות ביים מתחם ההילולא דורך קהילת ברסלב, בשעה 5:30 פארטאגס; קהילת נדבורנה בשעה 7:00 צופרי; קהילת סטאמאר בני ברק בשעה 11:30 צופרי.

סדר ההדלקות ביום ל"ג בעומר איז ווי פאלגענד: כ"ק אדמו"ר מלעלוב שליט"א בשעה 12:00 ביים מתחם בני עקיבא; כ"ק אדמו"ר מלויצק שליט"א בשעה 1:00 ביים מתחם בני עקיבא; קהילת ברסלב צפת בשעה 1:30 ביים מתחם ההילולא; כ"ק אדמו"ר מדז'קוב וויז'ניץ שליט"א בשעה 2:00 ביים מתחם ההילולא; קהילת מתמידים בשעה 2:15 ביים מתחם בני עקיבא; קהל יטב לב סאטמאר ב"ב בשעה 4:45 ביים מתחם ההילולא.

פארנאכטס וועלן פארקומען די הדלקות ביים מתחם פון בני עקיבא כדלהלן – כ"ק אדמו"ר ממודז'יץ שליט"א בשעה 5:00; כ"ק מרן אדמו"ר מסלאנים בשעה 5:30; קהילת פינסק־קרלין בשעה 7:30.

ביים מתחם ההילולא וועט כ"ק אדמו"ר מתולדות אברהם יצחק שליט"א אנצינדן די הדלקה בשעה 5:30; די הדלקה דורך קהילה קדושה תולדות אהרן בשעה 6:30; ההדלקה דורך קהילת סלונים בשעה 7:00; די הדלקה דורך כ"ק אדמו"ר מרחמסטריווקא שליט"א בשעה 7:30 אין צום לעצט די הדלקה דורך קהילת צאנז אין שפיץ פונעם רבי'נס זוהן הגה"צ ר' אברהם האלבערשטאם שליט"א אב"ד קרית צאנז טבריה בשעה 8:00 ביים מתחם פון בני עקיבא.