top of page
WhatsApp_Image_2024-02-28_at_5.29.13_PM__1_.jpeg

האד' מוויז'ניץ ערווארטעט צוגאסט אין ניו יארק צו באשיינען חתונה בבית מקורבו הנגיד ר' מאיר דוד טאבאק

זונטאג פ' שמיני • כ"א אדר ב' תשפ"ד | בחצרות הקודש


דעם קומענדיגן דינסטאג וועט כ"ק האדמו"ר מוויז'ניץ שליט"א אנקומען אויף א באזוך בשערי ניו יארק וואו די רבי שליט"א וועט זיך אויפהאלטן ביז איבער שבת בקרב חסידיו. די רבי קומט צו פארן לכבוד די חתונה בבית איש אמונו הנגיד החסיד ר' מאיר דוד טאבאק הי"ו ראש וראשון לכל קדשי בית וויז'ניץ אין קביעות'דיגער בעל האכסניא פונעם וויזניצער רבי'ן שליט"א אין שטאט וויליאמסבורג.


אין לויף פון די וואך וועט זיך די רבי שליט"א אויפהאלטן אין וויליאמסבורג, מיטוואך נאכט וועט די רבי מפאר זיין בראש השמחה ביי די חתונה און אויף שבת וועט די רבי ארויספארן צו די קעטסקיל בערג אויף א פריוואטע שבת מיט די משפחת המלוכה.


דינסטאג טהרה, א' דראש חודש ניסן וועט די רבי דאווענען שחרית ברוב עם הדרת מלך אינאיינעם מיט קהל חסידיו דרי ניו יארק און נאכן דאווענען מעריך זיין שולחנו הטהור לכבוד ראש חודש, ביי וועלכן די רבי וועט משמיע זיין דברות קודש פאר די חסידים כהכנה צום יו"ט פסח הבעל"ט, נאכמיטאג וועט זיך די רבי ארויסלאזן אויפן וועג צוריק אהיים קיין ארץ הקודש.

Comentários


bottom of page