ויבכו אותו: עצרת מספד והתעוררות ככלות השבעה להסתלקותו פון כ"ק אדמו"ר מהרי"ד מלעלוב זצ"ל
- Bechatzros admin
- לפני 21 דקות
- זמן קריאה 1 דקות
מיטוואך פ' משפטים • כ''ד שבט | בחצרות הקודש
בילדער קרעדיט: שלומי טריכטער,JDN
ככלות ימי השבעה נאך די הסתלקות לשמי מרום פון כ"ק אדמו"ר מהרי"ד מלעלוב זצוק"ל, האבן זיך חסידי ואוהדי בית לעלוב צוזאמגענומען אויף די סיום השבעה אנגעהויבן מיט תפילת שחרית ברוב עם אינעם היכל ביהמ"ד לעלוב אויף רחוב צפניה, אין דעם מקום קדוש וואו יצאה נשמתו בקדושה וטהרה.
שפעטער ארום איינס אזייגער מיטאג איז מען ארויספארן למרומי הר הזיתים וואו עס איז אפגעהאלטן געווארן די צענטראלע עליה לציון אין שפיץ פון די קינדער הרבנים הגאונים הצדיקים שליט"א.
שפעטער נאכמיטאג, איז אפגעהאלטן געווארן א גרויסארטיגע עצרת מספד והתעוררות אין ביהמ"ד ביאלא בני ברק אויף רחוב אבינדב, אין דעם אכסניא של תפילה וואו דער רבי זצ"ל האט אפגעראכטן זיין עבודה בסילודין אין די ימים נוראים די לעצטע יארן. מען האט דארט געהערט "מילי דהספידא" און דברי חכמים לכו ונשובה אל ה', זיך צו לאזן טרייסטן פון דעם אומגעהויערן פארלוסט און אבידה שאין לה תמורה וואס כלל ישראל האט פארלוירן.
צווישן אנדערע האבן אויפגעטרעטן מיט דברי הספד כ"ק אדמו"ר מפינסק קארלין שליט"א, הגה"צ רבי שמעון שמואל הלברשטאם אבד"ק דברי משה, מחותנו הגה"צ רבי טוביה שטערן גאב"ד מירון און דעם רבינס איידעם המשפיע הרה"צ ר' בנציון אפל שליט"א
