יציאת צדיק: האד' מגור פארלאזט ארץ ישראל צום היסטארישן מסע הקודש קיין אמעריקא
- Bechatzros admin
- 8 ביוני
- זמן קריאה 1 דקות
מוצאי שב"ק פ' נשא • י''א סיון תשפ"ה | בחצרות הקודש
היינט מוצאי שבת בשעה 1:00 אין ארץ ישראל, האט זיך דער פריוואטער פליגער פון כ''ק האדמו''ר מגור שליט''א געהויבן לדרכו צלחה קיין ניו יארק, אויף דער היסטארישער באזוך לטובת דער קרן התורה דחסידי גור.
די רבי שליט"א האט פארלאזט ביתו נאווה קודש אונטער פאליצייאישע באגלייטונג, ביים אנקומען אינעם לוד לופטפעלד איז דער רבי אריין אין די פתאל טערמינאל וואו עס האט זיך געזעגענט מיטן רבי'ן האדמו''ר הרה"צ רבי פנחס אבוחצירא שליט''א וועלכע איז ספעציעל געקומען צו פארן ממעונו אין באר שבע ארויסצובאגלייטן דעם רבי'ן אין וועג, און האט זיך דערביי משתתף געוועהן מיט א סכום הגון זייענדיג די מתחיל במצוה.
אויפן עראפלאן געפונען זיך מיטן רבי'ן, בניו הרב נחמיה און הרב ישראל מנחם שליט''א און די משמשים בקודש הרב לייבל פיזנצבסקי און הרב שמואל ברוך לאנדא.
חסידי גור בכל מקום שהם באגלייטן ארויס דעם רבי'ן מיט א הייסע תפילה, צאתכם ובואכם לשלום, דער רבי זאל פארן און צוריק קומען געזונטערהייט.
תגובות