האד' מסאטמאר באשיינט שמחת השבע ברכות פון נכד הגאון הגדול דומ"ץ קרית יואל שליט"א פארגעקומען ט"ו בשבט

דינסטאג פ' משפטים • כ' שבט תשפ"ה | בחצרות הקודש

בילדער קרעדיט: אייזיק ג.

פאריגן מיטוואך ליל חמשה עשר בשבט האט זיך כ"ק אדמו"ר מסאטמאר שליט"א משתתף געוועהן ביים שמחת השבע ברכות צוגעשטעלט דורך הגאון הגדול דומ"ץ קרית יואל שליט"א לרגל שמחת נשואי נכדו למז"ט החתן בן בנו הרה"ג ר' אהרן יקותיאל בערקאוויטש שליט"א, אין די גינת קליין זאל אין קרית יואל, ביים אנקומען האט דער רבי צום ערשט געדאווענט מעריב אינעם זאל, דערנאך האט זיך דער רבי אראפגעזעצט צום שבע ברכות, וואו עס האט זיך פארצויגן א שיינעם הלכה'דיגע שמועס און איבער פארשידענע מנהגי חמשה עשר בשבט און מנהגי נשואין, דער רבי האט געמאכט א ברכה אויף א טייטל און טועם געווען פון די אתרוג קאמפאט און דערנאך געטרינקען לחיים און ווארעם אנגעוואונטשן פארן חתן, מחותנים, און פארן זיידן דער דיין שליט"א, דערנאך האט זיך דער רבי אויפגעשטעלט טאנצן אויפן אויבנאן און דערנאך א באזונדערע מחול מיטן דיין שליט"א.