כינוס "חלקינו בתורתיך" פאר בחורי צאנז קלויזענבורג אלס הכנה ליום טוב שבועות - קבלת התורה
- לפני 3 דקות
- זמן קריאה 1 דקות
דינסטאג פ' נשא ב' • י' סיון תשפ"ו | בחצרות הקודש
בילדער קרעדיט: הלל לש
הונדערטער בחורי חמד תלמידי הישיבות הקדושות דחסידי צאנז קלויזענבורג האבן זיך דעם פארגאנגענעם וואך, שבוע שחל בו שבועות צוזאמגענומען כאיש אחד בלב אחד אויף א געמיינזאמע כינוס 'חלקינו בתורתיך', און יום שכולו תורה, אלס הכנה דרבה צום גרויסן יום טוב שבועות, אין שפיץ פון די מנהיג עדת ישורון כ"ק אדמו"ר מצאנז קלויזענבורג שליט"א, לשמוע את דבר ה' און זיך אנווארעמען בתורה ועבודה, כהכנה דרבה צו זמן מתן תורתנו.
נאכן סדר הלימוד וואו די בחורים האבן עוסק געווען אין די סוגיא אויף וואס כ"ק אדמו"ר מצאנז קלויזענבורג שליט"א זאגט די קרעפיל פשעטיל יו"ט שבועות, האט מען געהאט די זכיה צו הערן דברות קודש מפום ממלל רברבן דער רבי שליט"א, וועלכער האט משמיע געווען דברי הדרכה והתחזקות אין פארשידענע ענינים בעבודת השם וואס האט אריינגעבלאזן א גייסט פון התעלות אין די טייערע בחורי חמד פיל מיט אוצרות חיזוק צו שטייגן במעלות רמות בתורה עבודה וחסידות בדרך ישראל סבא.
