מיטוואך פ' מצורע • ט' ניסן תשפ"ד | בחצרות הקודש
בילדער קרעדיט: יעקב נחומי אין יעקב כהן
פילע חסידי ואוהדי בית נדבורנא ירושלים האבן פאריגע וואך מיטגעהאלטן דעם היסטארישן מעמד 'יגילו במלכם' - חגיגת הכנסת ספר תורה וואס איז געשריבן געווארן דורך משפ' בוקצין הנכבדה לזכותו ולכבודו פון כ"ק אדמו"ר מנדבורנא ירושלים שליט"א.
די מעמד סיום כתיבת האותיות איז פארגעקומען אין די רש"י ישיבה אויף רחוב עזרא בשכינות פון ביהמ"ד, וואו די זקני העדה און רבנים חשובים זענען ארויפגעקומען אריינשרייבן אותיות, נאכן סיום כתיבת האותיות האט כ"ק האדמו"ר מנדבורנא שליט"א ארויסגעפירט דעם ספר תורה לרחובה של עיר, בשירה וזמרה, בקול רינה והמון חוגג, און באגלייט די תהלוכת הספר ביז צום ביהמ"ד הגדול וואו די רבי האט אפגעראכטן די ריקודין בשלהבת אש קודש כדרכו און דאן פארגעזאגט די מזמורים מיט גרויס התעוררות.
