יומא אריכתא פון שמחה והתרוממות בחצר הקודש תורת חכם לרגל חמישה עשר באב

דינסטאג פ' עקב • ט"ז אב תשפ"ד | בחצרות הקודש‎

בילדער קרעדיט: שלומי טריכטר - JDN

די וואך זונטאג נאכט אור לחמשה עשר באב איז אין עיר הקודש ירושלים געפראוועט געווארן די שמחת החאלאקע פון אן אייניקל ביי כ"ק אדמו"ר הרה"צ רבי איטשע מאיר מארגענשטערן שליט"א מתורת חכם, בן לבנו בכורו הרה"צ רבי ישראל מארגענשטערן איידעם ביי כ"ק אדמו"ר מקוזמיר שליט"א, די שמחה האט זיך אנגעהויבן און די נאכמיטאג שעהן, אין האט זיך אריינגעצויגן ביז די פריע פארטאגס שעהן, אלס א יומא אריכתא פון שמחה און התרוממות הנפש.

לכבוד די שמחה האט הגה"צ רבי איטשע מאיר מארגענשטערן שליט"א האדמו"ר מתורת חכם מתפלל געווען ביי די מקומות הקדושים אין ירושלים, אנגעהויבן ביים קבר שמואל הנביא, און דערנאך ביים קבר שמעון הצדיק, און קבר דוד המלך. באנאכט איז פארגעקומען די שמחת החאלאקע אין בית המדרש תורת חכם אין ירושלים בשילוב מיטן יערליכן סעודה אין עריכת שולחן הטהור לכבוד חמשה עשר באב, ווי מען האט זיך משמח געווען מיט ריקודין של שמחה פאר לענגערע שעהן נאכאנאנד. במשכן טיש האבן די חשובע זיידעס האדמור"ים אפגעשוירן דאס קינד, און משמיע געווען דברי תורה לכבוד די שמחה און לכבוד האי יומא רבא.