שׁוּבָה יִשְׂרָאֵל: גרויסן ציבור ביי דרשת שבת שובה דורך האד' מסאסוב בבית מדרשו אין בני ברק

דאנערשטג פ' האזינו • ו' תשרי תשפ"ז | בחצרות הקודש

כמידי שנה בשנה האט כ"ק אדמו"ר מסאסוב שליט"א אויפגעטרעטן מיטן דרשת שבת שובה כנהוג, די דרשה איז איבערגעגעבן געווארן בבית מדרשו דקהל מנחת יום טוב סאסוב אין בני ברק וואו א גרויסן ציבור האט זיך איינגעזאמלט לשמוע את דבר ה'. די רבי האט אנגעהויבן מיט דברי דרוש ופלפול און דערנאך משמיע געווען דברות קודש ודברי התעוררות שטייענדיג אין אזעלכע הייליגע טעג בין כסא לעשור, באגלייט מיט דברי חיזוק בענינים העומדים על הפרק. נאכן דרשה האט די רבי געדאווענט מעריב דארט אין ביהמ"ד און דער ציבור איז דורך דעם רבי'ן לברך ולהתברך בברכת השנה צום נייעם יאר.