דאנערשטאג פ' קרח • כ"ח סיון תשפ"ד | בחצרות הקודש
הגה"צ גאב"ד אנטווערפען שליט"א וואס איז אנגעקומען צוגאסט קיין אמעריקא לרגל די בר מצוה פון אן אייניקל האט אין לויף פון די וואך באזוכט בבתי האדמור"ים והרבנים שליט"א אין מאנסי והגלילות, דאנערשטאג האט דער רב באזוכט ביי כ"ק אדמו"ר מוויז'ניץ מאנסי שליט"א, און מוצאי שבת ביי כ"ק אדמו"ר מסקווירא שליט"א וואו די רבי האט זיך אינטערסירט אין די פרישע גזירות על הדת אין אנטווערפען סיי די שחיטה און די גזירות החינוך, און דער אנטווערפענער רב האט איבערגעגעבן א גריס פון די ארטיגע סקווירא קהילה אין שטאט וואס וואקסט און בליעט לשם ולתפארת. נאכן באזוך האבן די עסקנים צוגעוויזן דעם רב אינעם נייעם ביהמ"ד הגדול אין שיכון סקווירא, זונטאג האט זיך די רב אויך משתתף געוועהן ביים מסע הלוי' פון ידידו ורעו כ"ק אדמו"ר מקאסוב זצוק"ל אין בארא פארק.
זייענדיג אין מאנסי איז דער רב אנגעקומען אויף א באזוך ביי כ"ק אדמו"ר משינאווא שליט"א וואס האט זיך היי יאהר אריבערגעצויגן ממקום מגוריו אין אנטווערפען קיין מאנסי למלא מקום אביו אלס אדמו"ר משינאווא, און אויך באזוכט ביי הגה"צ רבי יוסף לייזער אב"ד פשעווארסק מאנסי בן כ"ק אדמו"ר מפשעווארסק שליט"א.
Comments