דאנערשטאג פ' וירא • י"ח חשון תשפ"ד | בחצרות הקודש
אין די טעג האט כ"ק אדמו"ר מבאיאן שליט"א ארויסגעשיקט ספעציעלע מתנה פעקלעך פאר די אידישע סאלדאטן אויפן פראנט, זיי צו מחזק זיין אין די יעצטיגע שווערע זמן, ווען מחוץ תשכל חרב ומחדרים אימה. די חיזוק פעקל פון א ספעציעלע סידור תחינות עת רצון מיט פאסיגע תפילות פאר די יעצטיגע שווערע זמן, און א פעקל ממתקים צו דערפרישן די הערצער. א שיינע בריוו מיטגעלייגט מטעם דעם רבינ'ס שטוב, וואו עס ווערט ארויסגעברענגט די חיזוק און הערצה וואס כלל ישראל שפירט, און די שטארקייט וואס א אידיש קינד דארף האבן זיך צוהאלטן מיט אמונה און בטחון און חס ושלום נישט פארפאלן ווערן. נאר דער בורא כל עולמים קען העלפן, און מ'דארף גלייבן און מתפלל זיין אז ער וועט העלפן.
