הרה"צ רבי יעקב מאיר שעכטער שליט"א דינט אלס מוהל ביי שמחת הברית בחצר הקודש ביאלא

זונטאג פ' לך לך • ד' חשון תשפ"ו | בחצרות הקודש

בילדער קרעדיט: מתתיהו גולדברג- י פריד

פארלאפענעם ערב שבת בראשית איז דער פאר הדור הגה"צ רבי יעקב מאיר שעכטער שליט"א מנהיג חסידי ברסלב אנגעקומען צום ביהמ"ד הגדול ביאלא אין ירושלים ווי ער האט געדינט אלס מוהל ביי א ברית פון א אייניקל ביי כ"ק אדמו"ר מביאלא שליט"א, בן הנולד ביי חתנו הרה"ג ר' יעקב יצחק טאוב ראש הכולל עיון ביאלא, אור אייניקל פון כ"ק האדמורי"ם מקאפיטשניץ, קאזמיר, און לעלוב בית שמש.

ביים אנקומען האט זיך הרה"צ רבי יעקב מאיר שליט"א באגריסט מיט די אדמורי"ם שליט"א. די עלטער זיידע האדמו"ר מקאפיטשניץ איז מכובד געווארן מיט כסא של אליהו, די עלטער זיידע האדמו"ר מקאזמיר מיט סנדקאות, די עלטער זיידע האדמו"ר מלעלוב בית שמש מיט ברכות און קריאת השם, און די זיידע האדמו"ר מביאלא מיט עמידה לברכות, ויקרא שמו בישראל בצלאל שמחה מנחם בן ציון נאכן זיידן כ"ק אדמו"ר מביאלא זצוק"ל בעל מבשר טוב.

נאכן ברית האבן די אדמורי"ם אינאיינעם אפגעראכטן א שולחן לחיים לכבוד די שמחה, ווי דער ביאלא רבי האט מכבד געווען זיין שווער האדמו"ר מקאפיטשניץ משמיע צו זיין דברי תורה וברכה. דערנאך איז דער גאנצער ציבור דורך וואונטשן לחיים און מזל טוב ביי די אדמורי"ם שליט"א.