פילע אדמור"ים רבנים ואישי ציבור מנחם אבל געווען הנגיד החסיד ר' שלמה ווערדיגער הי"ו יושב ראש אגודת ישראל ד'אמעריקא
- sfbechatzros
- לפני 3 שעות
- זמן קריאה 2 דקות
דינסטאג פ' לך לך • ו' חשון תשפ"ו | בחצרות הקודש
בילדער קרעדיט: JDN
ככלות ימי השבעה נאך די פטירה פון האשה החשובה מרת ליבא ווערדיגער ע"ה, זעהט זיך אן די געוואלדיגע קידוש השם וואס האט זיך געשאפן אין לויף פון די ימי השבעה, ווען טויזענטער אידן פון נאנט און ווייט האבן געשטראמט צו מנחם אבל זיין דער בארימטער פילאנטראפ און תומך תורה, הנגיד החסיד ר' שלמה ווערדיגער הי"ו יושב ראש אגודת ישראל ד'אמעריקא וועלכער טראגט אויף זיינע פלייצעס גאר אסאך לטובת דאס יהדות החרדית.
אינעם בית האבלים וואו ר' שלמה איז געזעסן, זענען אנגעקומען הונדערטער אדמורי"ם ורבנים, גרויסע חסידישע רבי'ס און ראשי ישיבות, באקאנטע פאליטיקאנטן און הויכראנגיגע באאמטע פון איבערן גאנצן לאנד, וועלטס גבירים און פילאנטראפן פון אומעטום.
פון אלע קהילות הקודש האט מען געשיקט א דעלעגאציע צו מנחם אבל זיין, צווישן זיי כ"ק אדמו"ר מסקווירא שליט"א וועלכער האט געשיקט זיינע קינדער בשליחות הקודש, אדמורי"ם וראשי ישיבות מעבר לים האבן געשיקט בריוו אדער זיך פארבינדן אויפן טעלעפאן, צווישן זיי כ"ק אדמו"ר מוויזניץ שליט"א, מרנן ורבנן ראשי ישיבת סלאבאדקע, הגאון הגדול רבי דוב לאנדא שליט"א, און הגאון הגדול רבי משה הלל הירש שליט"א. הגאון רבי בערל לאזאר שליט"א דער הויפט רב פון רוסלאנד, רבני העדה החרדית און נאך פיל.
איבער אלעם האט ארויסגעשיינט די ספעציעלע טרייסט וואונטשן פון כ"ק אדמו"ר מגור שליט"א, וועלכער האט אליינס מנחם אבל געווען דורכ'ן טעלעפאן, און האט אין א זעלטענע שריט ארויסגעשיקט בנו חביבו הגה"צ רבי נחמיה אלתר שליט"א וועלכער האט אונטערגענומען דעם לאנגן נסיעה בשליחות הקודש צו מנחם אבל זיין ר' שלמה. ווי אויך דער יושב ראש פון איחוד מוסדות גור הרב יונתן בורנשטיין שליט"א וועלכער איז ספעציעל געקומען צו פארן פון ארץ ישראל.
בנוסף האבן זיך אנגעזעהן דורכאויס די ימי השבעה, האדמור"ים מבאבוב, וויזניץ מאנסי, בלאזוב, וויעליפאלי, אבד"ק באבוב 45, הגאון רבי ירוחם אולשין ראש ישיבת ביהמ"ד גבוה דלעיקוואד, הגאון רבי אהרן פעלדמאן ראש ישיבת נר ישראל באלטימאר, הרה"צ ר' אהרן מענדיל טווערסקי מסקווירא, הרה"צ ר' חיים מאיר האגער בנו יחידו פון האדמו"ר מוויזניץ, הרה"צ רבי חיים מאיר קאהן אבד"ק תולדות אברהם יצחק ביתר, הגה"צ רבי בנימין אייזנבערגער אבד"ק היכל התפילה און נאך פיל.
