זונטאג פ' נח • ל' תשרי תשפ"ד | בחצרות הקודש
אויפן אינציאטיוו פון כ"ק אדמו"ר מבאבוב שליט"א וועלן די הונדערטער בחורי החסידות וואס לערנען אין ישיבת 'קדושת ציון' אין 'קרית באבוב' אין בת ים פארבלייבן אין אמעריקע עד יעבור זעם, אויף דערווייל האט די הנהלת הישיבה ארויסגעדינגען דער גרויסער סאטמארער קעמפ מחנה 'רב טוב' אין די קעטסקילס ווי די בחורים וועלן זיין צייטווייליג איינקווארטירט און ווייטער אנגיין מיט די סדרי הישיבה כרגיל, אונטער א שטאב פון חשובע אינגעלייט וועלכע וועלן דינען אלס איבערגעגעבענע רמי"ם און באגלייטן יעדן תלמיד צו זיין בעסטע התעלות ביז די בחורים וועלן זיך קענען צוריק קערן לארצינו הקדושה אונטער בעסערע אומשטענדן.