ברוך דיין האמת • הרבנית רבקה חיה דרעזל בלום ע"ה אשת חבר האדמו"ר מתולדות רפאל קאשוי

זונטאג פ' שופטים - כ"ו אב תשפ"ג | קול בחצרות

מיט גרויס צער אין טרויער איז דעם ערב שבת אויפגענימען געווארן די בשורה איבער די פטירה פון הרבנית הצדיקת מרת רבקה חיה דרעזל בלום ע"ה, אשת חבר כ"ק האדמו"ר מתולדות רפאל קאשוי שליט"א, אין טאכטער פון הגה''צ אבד''ק פאיע זצ''ל וואס איז דעם ערב שבת נפטר געווארן נאכן ליידן יסורים קשים ומרים די לעצטע תקופה, אין עלטער פון איין און זיבעציג יאר.

די לוי' איז ארויס ערב שבת פון מחנה תולדות רפאל קאשוי אין סוואן לעיק אין פון דארט אצום בית החיים אין קרית קאשוי בעדפארד הילס ווי די רעבעצען ע''ה איז געקומען לקבורה סמוך צום זמן כניסת השבת.

עס זיצן שבעה איר מאן כ'' ק האדמו''ר מתולדות רפאל קאשוי שליט''א אין די קינדער, די ברידער הגה''צ אב''ד פאיע שליט''א, הגה''צ אב''ד וויטקא שליט''א, אין די געשוויסטער.

שנשמע ונתבשר בשורות טובות.