ביקור תנחומין: האד' מסערט וויזניץ באזוכט ביי האד' מקרעטשניף

דינסטאג פ' כי תצא • ט' אלול תשפ"ה | בחצרות הקודש‎

נעכטן זונטאג האט כ"ק אדמו"ר מסערט וויזניץ שליט''א מנחם אבל געוועהן די אדמור"ים פון די קרעטשניפער גזע. מיטאג צייט איז דער רבי שליט''א אנגעקומען קיין קרית קרעטשניף רחובות אויף א ביקור תנחומין ביי כ''ק האדמו''ר מקרעטשניף שליט''א אלס השלמה נאך די שבעה פונעם שוועסטער הרבנית מווייטצען וויליאמסבורג ע"ה, שטייענדיג נאך אין די שלושים לפטירתה.

פון דארט איז דער רבי שליט''א אריינגעפארן קיין עיה"ק ירושלים וואו דער רבי שליט''א האט צום ערשט מנחם אבל געוועהן ביי די ברודער האדמור"ים מקרעטשניף סיגעט שליט"א על פטירת כ"ק אדמו"ר מקרעטשניף סיגעט זצ"ל, און באזונדער מנחם אבל געוועהן ביי כ''ק האדמו''ר מקרעטשניף ירושלים שליט''א.