רוסישער הויפט רב הגאון רבי בערל לאזאר אויפגענימען מיט גרויס כבוד און שעצונג בבתי גדולי ישראל בארה"ק

מוצאי שבת פ' שמות • י"ט טבת תשפ"ה | בחצרות הקודש

אין לויף פון די לעצטע טעג האט דער רוסישער הויפט רב הגאון ר' בערל לאזאר שליט"א באזוכט בבתי גדולי ישראל ברחבי ארץ הקודש, מקבל צו זיין ברכתם און זיי איינלאדענען צו די חתונה פון א קינד, וואס קומט פאר דעם קומענדיגן חודש שבט אין ארץ ישראל. די אדמור"ים ורבנים כאחד האבן זיך אלע נאכגעפרעגט איבער'ן וואוילזיין פון די אידן רוסלאנד, און באזונדער אויסגעפרעגט בפרטיות אויף די אלע ברייטע פעולות פון די שלוחים פאר די ארטיגע אידישע געמיינדע, וואו דער רב האט באוויזן אויפצוטון גדולות ונצורות אינערהאלב זיין עבודת הקודש פון קירוב און פארשפרייטן אידישקייט.