שמחת הפארשפיל און מעמד צאתכם לשלום לקראת שמחת נישואין בחצר זוטשקא ירושלים די וואך הבעל"ט אין לאנדאן

זונטאג פ' תצוה • ב' אדר תשפ"ה | בחצרות הקודש

נעכטן במוצאי יום גילה איז פארגעקומען בחצר הקודש זוטשקא אין ירושלים די שמחת הפארשפיל לקראת די חתונה פון החתן זון פון כ"ק אדמו"ר מזוטשקא ירושלים שליט"א בשילוב מיטן מעמד צאתכם לשלום און מסיבת פרידה לכבודו פונעם בעל שמחה די זוטשקא רבי פון ירושלים וועלכע לאזט זיך ארויס קיין לאנדאן צו באשיינען די חתונה.

די שמחה איז פארגעקומען אין די זאל פון סוכת דוד אין ירושלים וואו א גרויסע ציבור חסידים ואנשי מעשה האבן זיך מיטגעפרייט ביי די שמחה, ובראשם אדמורי"ם ורבנים די פעטער'ס האדמורי"ם מזוטשקא וזוטשקא אמסנא, לעלוב עזרת תורה, לעלוב בראנוביץ, און האדמורי"ם מקרעטשניף ירושלים, שומרי אמונים פון ירושלים, זוועהיל, סקולען ירושלים, קאפיטשניץ, ווערדאן ירושלים, הגה"צ ראש ישיבת טשעבין, הגה"צ גאב"ד זוועהיל, און נאך.

א רייכע סעודה איז אויפגעגעבן געווארן לכבוד די שמחה און סעודתא דדוד מלכא משיחא, א לענגערע וויילע איז מען געטאנצן ריקודין של שמחה, און ביים ענדע איז מען דורך זיך געזעגענען איידער דעם רבינס ארויספאר קיין לאנדאן

די חתונה קומט פאר אי"ה די וואך מיטוואך אין די זאל פון יסודי התורה אין די סטעמפארד הילל געגענט אין לאנדאן.