יומא דהילולא פון הגה"ק רבי בנימין ראבינאוויטש זצוק"ל אפגעצייכנט בחצר הקודש משכנות הרועים
- Bechatzros admin
- לפני שעתיים
- זמן קריאה 1 דקות
דינסטאג פ' בא • ב' שבט | בחצרות הקודש
בילדער קרעדיט: שלומי טריכטער,JDN
בחצר הקודש משכנות הרועים איז די וואך געפראוועט געווארן די הילולא קדישא פונעם מייסד הקהילה הגה"ק רבי בנימין ראבינאוויטש זצוק"ל ממשכנות הרועים בעל עבודת בנימין, שטייענדיג פיר און צוואנציג יאר פון די הסתלקות בשנת תשס"ב. די היי יאריגע סעודת הילולא בראשות בנו ממלא מקומו כ"ק אדמו"ר ממשכנות הרועים שליט"א, איז פארגעקומען אין די אור החיים זאל וואו א גרויסן ציבור תלמידים, חסידים ומוקירי זכרו של אותו צדיק האבן זיך פארזאמלט.
באלד ביים ערשיינען צום שולחן הטהור האט כ"ק אדמ"ר ממשכנות הרועים שליט"א ואחיו האדמור"ים והרבנים פארגעלערנט משניות און דערויף האט מען זיך געוואשן צום סעודת ההילולא.
בשעת די סעודה האט אויפגעטרעטן מיט א דרשה המקובל הגה"צ ר' גמליאל ראבינאוויטש שליט"א און דברי זיכרון איז געהערט געווארן פון הגאון רבי דוב הכהן רבינוביץ שליט"א מרא דאתרא רמה' ד בית שמש וועלכער האט דערציילט עובדות און סיפורים נפלאים, דערנאך האט מען געהערט דברות קודש פונעם רבי'ן שליט"א מתובל מדברי תורתו פונעם בעל הילולא.
צומארגנס מאנטאג ראש חודש, בעצם יומא דהילולא קדישא האט מען געדאווענט שחרית בצוותא חדא בבית מדרשו של רבי אין די מאה שערים געגענט, כ"ק אדמו"ר ממשכנות הרועים שליט"א האט יורד געווען לפני התיבה צו מוסף, און נאכן דאווענען אפגעראכטן א שולחן לחיים לכבוד היום.
דערנאך איז דער רבי שליט"א ארויסגעפארן צום ציון הק' אויפן הר המנוחות, אין שפיץ פון די עדה חסידים, וואו דער רבי האט פארגעזאגט די מזמורי תהילים און מתפלל געווען לישועתן של ישראל.
תגובות