מיטוואך פ' שמות • ט"ו טבת תשפ"ה | בחצרות הקודש

בילדער קרעדיט: שוקי לרר
ברינה ובצהלה איז די וואך מאנטאג אפגעראכטן געווארן אין עיר התורה והחסידות בני ברק די שמחת החתונה בבית צדיקים ווען כ''ק האדמו''ר מנדבורנא אלעד שליט"א - איידעם פון כ"ק אדמו"ר מחוסט שליט"א פון וויליאמסבורג האט אונטערגעפירט בנו החתן אונטער די חופה בשעה טובה ומוצלחת מיט די כלה בת קדושים א איר אייניקל פון כ"ק אדמו"ר מנאראל שליט"א, אייניקל ביי בנו הגדול הגה"צ רבי אהרן שפירא אבד"ק נאראל, א זון ביי זיין זון הרה"ג ר' יצחק נתן שפירא ראש ישיבת תורה לשמה איידעם ביי כ"ק אדמו"ר מזוועהיל שליט"א פון ירושלים, ווי הונדערטער חסידים ואנשי מעשה האבן זיך לענגערע שעהן מיטגעפרייט ביי די שמחה בהתרוממות עילאה.
ביים קבלת פנים איז מכובד געווארן מיט קריאת התנאים כ"ק אדמו"ר מקודינוב שליט"א, א פעטער מצד הכלה. ביים מעמד החופה זענען מכובד געווארן מיט די כיבודים ווי פאלגענד: סידור קידושין די עלטער זיידע כ"ק אדמו"ר מנאראל שליט"א. קריאת הכתובה די פעטער מצד החתן כ"ק אדמו"ר מזאבילטוב שליט"א. בראשות ראשונות: די זיידע כ"ק אדמו"ר מזוועהיל שליט"א, די פעטער'ס האדמורי"ם מנדבורנא ביתר און זידיטשוב פתח תקווה, ברכה אחריתא די זיידע כ"ק אדמו"ר מחוסט שליט"א.
צווישן די פילע אדמורי"ם וועלעכע האבן באשיינט די שמחה האבן זיך אנגעזעהן האדמורי"ם ממאחנובקא בעלזא, סטריקוב, די פעטער'ס האדמורי"ם מנדבורנא ירושלים און נדבורנא ביתר, ספינקא, ביאלא בני ברק, שבט הלוי, שאץ, שומרי אמונים פון בני ברק און אשדוד, זוטשקא, זוטשקא אמסנא, טרעבישאן, מיאלען, ראחוב, לינסק, זידיטשוב ווערצקי, ביאלא ישרי לב, הגאון רבי מענדל שפרן, הרה"צ רבי אהרן טויסיג, הגאון רבי זושא הורוביץ רב קהל חסידים אלעד, הגאון רבי יעקב גרינוואלד דומ"ץ בעלזא בני ברק, הגאון רבי נתן לאנדמאן גאב"ד חולון און נאך.
ביים מצווה טאנץ האט בדחנא דמלכא ר' פנחס גרינפעלד הי"ו צום אלעם ערשט אויפגערופן די עלטער זיידע כ"ק אדמו"ר מנאראל שליט"א לפני הכלה, דערנאך די זיידעס כ"ק אדמו"ר מחוסט שליט"א און כ"ק אדמו"ר מזוועהיל שליט"א. דערנאך האט מען מיט א רגש קודש צוגעטרעטן צו די ריקודין עילאין פונעם נדבורנא רבי'ן שליט"א לפני הכלה, וחסידים ברנה יגילו אויף א געהויבענעם פארנעם.






















































Comments