יומא דהילולא קמא פון הגה"צ ר' פסח מיללער זצ"ל אבד"ק חאמעלניק במקום מנוחתו אין עיה"ק טבריה

זונטאג פ' יתרו • י"א שבט תשפ"ה | בחצרות הקודש

בילדער קרעדיט: א. אייזנבאך

פארגאנגענעם וואך ר"ח שבט איז אויסגעפאלן די ערשטע יארצייט פון כקש"ת הגה"צ רבי פסח הלוי מיללער זצ"ל אבד"ק חאמעלניק וואס איז נסתלק געווארן ראש חודש שבט תשפ"ד ומקום מנחתו אויפן בית החיים העתיק אין עיה"ק טבריה סמוך ונראה צום חלקת תלמידי הבעל שם טוב.

די יארצייט סעודה איז פארגעקומען אין ביהמ"ד ווילעדניק אין טבריה בנשיאות הרה"ג ר' יצחק מאיר סאנדערס שליט"א מווילעדניק א תלמיד חביב פונעם רב זצ"ל. ביי די סעודה האט מען מסיים געווען ששה סדרי משנה לעילוי נשמתו און די קינדער הרבנים הגאונים הצדיקים שליט"א האבן אויפגעטרעטן מיט דרשות.

נאכן סעודת הילולא איז מען ארויף צום ציון וואו בנו הגה"צ אבד"ק חמעלניק - אגודת ישראל שליט"א האט פארגעזאגט פרקי תהילים אין פארגעלערנט משניות. דערנאך האט מען זיך משתטח געוועהן אויפן ציון און די ברודער הרבנים שליט"א האבן געזאגט קדיש.

אויף די נאכפאלגנדע שבת האבן די ברודער הרבנים שליט"א געוויילט אין טבריה און אפגעראכטן דעם גאנצן שבת אין ביהמ"ד מתיבתא ברוב עם, וואו א שיינעם ציבור אידן האבן מיטגעהאלטן דעם סידורו של שבת, איבערהויפט ביים שבת אחים ליל שב"ק להתענג על השם בזמירות שירות ותשבחות.