מעמד קבלת פנים בחצה"ק קהל חסידי ירושלים פאר העלדישע גיבורי חיל וועלכע האבן געשמאכטעט אין טורמע
- לפני 2 דקות
- זמן קריאה 1 דקות
דינסטאג פ' ראה • כ''א אב תשפ"ו | בחצרות הקודש
בילדער קרעדיט: JDN
פארגאנגענע וואך איז אפגעהאלטן געווארן דער סעודת ההילולא בחצר הקודש קהל חסידי ירושלים, לכבוד די יארצייט פון הרה"ק רבי אשר השני מסטאלין זי"ע, אין צוזאמענהאנג מיטן מעמד קבלת פנים פאר א צאל חשובע אינגעלייט אסירי ציון, וועלכע זענען געזעסן אין תפיסה צוליב כבוד שמים.
פאר'ן טיש איז געווען צוגעשטעלט א גרויסע סעודת הילולא פאר'ן גאנצן ציבור, וואו די חסידים האבן אינאיינעם פארברענגט לכבוד דעם גרויסן טאג. דערנאך איז דער רבי שליט"א אריינגעקומען צום שולחן הטהור, ביי וועלכן די גיבורי החיל זענען געזעצט געווארן בראש השולחן אלס אנערקענונג פאר זייער דרייסטע מסירת נפש.
ביים ענדע פונעם טיש זענען אלע אסירי ציון צוגעגאנגען אינאיינעם צום רבי'ן, באגלייט דורך זייערע קינדער, און דער רבי האט יעדן פון זיי באגריסט בפנים מאירות און גרויס שעצונג.
שפעטער האט זיך דער רבי אויפגעשטעלט צו א פרייליכן ריקוד צוזאמען מיט די העלדישע אינגעלייט, ווען דער גאנצער עולם האט אויסגעבראכן מיט פייערדיגע טענץ.
אויך נאכדעם וואס דער רבי האט פארלאזט דעם טיש, האבן די ריקודים ווייטער אנגעהאלטן א לאנגע צייט, ווען די חסידים האבן ווייטער געזונגען און געטאנצן מיט די גיבורי החיל, מתוך שמחה של מצוה.
