ירושלים: הילולא קדישא פון הרה"ק רבי אברהם שלמה מלעלוב זי"ע בצל בנו האד' מלעלוב

דאנערשטאג פ' יתרו י"ח שבט | בחצרות הקודש

ברגשי התעוררות וכיסופין האבן חסידי לעלוב אפגעצייכנט די יומא דהילולא קדישא פון כ"ק אדמו"ר רבי אברהם שלמה מלעלוב זצ"ל, שטייענדיג גאנצע זעקס און צוואנציג יאר נאכן הסתלקות ביום ט"ז שבט תש"ס. בצל הקודש פון בנו ממשיך דרכו בקודש כ"ק אדמו"ר מלעלוב שליט"א, האבן זיך פארזאמלט פילע חסידים ואנשי מעשה מיטצוהאלטן די יומא דהילולא קדישא, אנגעהויבן פון די תפילות פארן עמוד, די עריכת שולחן הטהור און סיום הש"ס, די עליה לציון, און די סיום ששה סדרי משנה ביומא דהילולא בבית מדרשו פונעם בעל ההילולא.

דינסטאג נאכמיטאג איז דער רבי שליט"א ארויף צום ציון הק' אויפן הר הזיתים בחלקת אדמור"י לעלוב, ביינאכט איז דער רבי שליט"א אריינגעקומען אין ביהמ"ד אויף רחוב צפניה אין ירושלים צו תפילת מעריב. דערנאך איז דער רבי ערשינען צום יארצייט טיש אינאינעם מיטן סעודה לכבוד מוצאי חמשה עשר בשבט, די רבי האט צוערשט געמאכט די סיום הש"ס און געזאגט די קדיש.

ביים טיש האט זיך משתתף געווען דעם רבינס פלאמעניק כ"ק אדמו"ר מלעלוב ביתר שליט"א נכד בעל ההילולא און כ"ק אדמו"ר מפינסק קארלין שליט"א וועם דער רבי שליט''א האט מכבד געווען צו דערציילן עובדות אין סיפורים. אויך האט דער רבי שליט''א מכבד געוועהן די שוואגערס הגה''צ רבי שלמה וואסערמאן אב''ד לעלוב אין הרה''צ רבי פנחס לובינסקי שליט"א צו דערציילן עובדות און זכרונות.

נאכן טיש איז מען דורך וואונטשן לחיים אין די רבי האט פארטיילט פירות פאר די חסידים לכבוד ראש השנה לאילנות.