שמחת כפולה • ברית פון דאפלטע אור אייניקל ביי האד' מסלונים

זונטאג פ' נשא א' - א' סיון תשפ"ג | קול בחצרות

פארגאנגענעם דאנערשטיג איז פארגעקומען די שמחת הברית מילה פון א דאפלטע אור אייניקל ביי כ"ק אדמו"ר מסלונים שליט"א, בן הנולד ביי נכדו נאמן ביתו הרב יעקב יצחק ווייסבלום שליט"א משמש בקודש, זון פון הגה"צ ר' אורי ווייסבלום שליט"א ראש ישיבת סלונים ביתר, און איידעם ביי הגה"צ ר' מרדכי ברזובסקי שליט"א, איידעם ביי כ"ק אדמו"ר מבאסטאן שליט"א, ס'איז פארגעקומען אין ביהמ"ד הגדול סלונים אין ירושלים.

מיט סנדקאות איז מכובד געווארן די ראש בית אב כ"ק אדמו"ר מסלונים שליט"א, מיט ברכות איז מכובד געווארן כ"ק אדמו"ר מראחמסטריווקא שליט"א, עמידה לברכות די פעטער כ"ק אדמו"ר מסאדיגורא ירושלים שליט"א, כסא של אליהו די זיידע כ"ק אדמו"ר מבאסטאן שליט"א, און מן הכסא כ"ק אדמו"ר מבאסטאן ביתר שליט"א, ויקרא שמו בישראל אלימלך נאכן הייליגן רבי ר' אלמילך זי"ע צו וועם די רך הנימול ציהט זיין יחוס בן אחר בן.