וְיָשִׂישׂוּ בְשִׂמְחָה: געהויבענע שמחת החתונה בחצרות סאסוב - קאסוב וויזניץ - קארלין לעלוב

דאנערשטאג פ' כי תצא • י''א אלול תשפ"ה | בחצרות הקודש‎

בילדער קרעדיט: שוקי לרר

דעם מאנטאג האבן הונדערטער חסידים ואנשי מעשה אנטיילגענומען ביי די גרויסארטיגע שמחת החתונה ביים אייניקל פון כ״ק אדמו״ר מסאסוב שליט״א, דער חתן א זון פון זיין איידעם הרה״צ ר׳ ישראל קארנרייך שליט״א, זון פון כ״ק אדמו״ר מקאסוב ויז׳ניץ שליט״א, עב״ג הכלה המהוללה תחי׳, א טאכטער פון הרה״צ ר׳ שלמה ראזענפעלד שליט״א, זון פון כ״ק אדמו״ר מקארלין לעלוב זצ״ל און איידעם ביי הגה״צ ר׳ אליהו זאלמענאוויטש זצ״ל, איידעם ביי כ״ק אדמו״ר מגארליץ זצ״ל.

די שמחת החתונה איז געפראוועט געווארן ברוב פאר והדר אינעם גרויסן היכלי מלכות זאל אין שטאט בני ברק, וואו עס האבן אנטיילגענומען פילע רבי'ס, רבנים וראשי ישיבות שליט״א, אין שפיץ פון די געהויבענע זיידעס כ״ק אדמו״ר מסאסוב שליט״א און כ״ק אדמו״ר מקאסוב ויז׳ניץ שליט״א.

די שמחת האויפרוף איז געפרעוועט געווארן שבת פרשת שופטים אין ביהמ״ד קאסוב ויז׳ניץ אין שטאט בית שמש. דער זיידע כ״ק אדמו״ר מסאסוב שליט״א איז געווען צוגאסט אויף שבת אין בית שמש לכבוד די שמחה.