האד' מפשעווארסק ביי שבע ברכות לבן המשב''ק

מיטוואך פ' משפטים - כ"ד שבט תשפ"ג

קול בחצרות - נעכטן דינסטיג אויפדערנאכט האט זיך כ"ק האד' מפשעווארסק שליט"א משתתף געוועהן ביי די שמחת השבע ברכות וואס איז אפגעראכטן געווארן דורך די פשעווארסק'ער קהילה אין אנטווערפען לכבודו פונעם משמש בקודש ויד ימינו פונעם רבין שליט"א הרה"ח ר' זושא גליק לרגל די חתונה פון א קינד וואס איז פארגעקומען אין אמעריקע, די שבע ברכות איז פארגעקומען אין די בית רחל זאלן, די רבי האט זיך א לענגערע וויילע משתתף געוועהן ביי די שמחה אין געזאגט די שבע ברכות נאכן בענטשן, דערנאך האט זיך די רבי אויפגעשטעלט אויף א ריקוד מיט די חתן אין מחותנים, צו די חתונה פאריגע וואך האט די רבי רויסגעשיקט קיין ניו יארק א חשובע דעלעגאציע פון עטליכע מקורבים אין שפיץ פון בניו וחתניו הרבנים הגאונים שליט"א