היסטארישער מעמד "נכתבים לחיים" במעונו פון המשגיח הגה"צ רבי דן סגל שליט"א פאר תורמי קופת העיר
דינסטאג שבוע שחל בו סוכות • י''א תשרי תשפ"ז | בחצרות הקודש
מיט גרויס דערהויבנקייט האבן זיך דעם ערב יום הכיפורים פארזאמלט א גרויסער צאל גדולי ישראל במעון הקודש פונעם זקן המשגיחים הגה"צ רבי דן סגל שליט"א, צום מעמד "נכתבים לחיים" פאר תורמי קופת העיר.צו דער זייט פונעם משגיח האבן זיך אנגעזעהן ביי די אסיפה, כ"ק אדמו"ר מביאלא שליט"א, הגאון רבי יעקב הילל ראש ישיבת המקובלים אהבת שלום, הגאון רבי דוד כהן שליט"א ראש ישיבת חברון, הגאון רבי מיכל זילבער שליט"א ראש ישיבת זוועהיל, הגאון רבי יצחק אזרחי שליט"א מראשי ישיבת מיר, הגה"צ גאב"ד רמת שלמה שליט"א, הגה"צ גאב"ד זוועהיל שליט"א, הגאון רבי נפתלי נוסבוים שליט"א ראש ישיבת חיים משה, הגאון רבי בנימין אלישיב שליט"א און נאך.
ביים דאזיגן מעמד האבן די גדולי הדור שליט"א מעתיר געווען בתפילה פאר יעדן נאמען באזונדער, און אויסגעבעטן אז די אלע תורמים וועלכע האבן געהאט א חלק אריינצושיינען א שמחת יום טוב אין אזויפיל טויזנטער אידישע שטובער, זאלן זוכה זיין להיכתב ולהחתם לחיים טובים ולשלום, מיט אלע ברכות און השפעות טובות.
מיט א דרשה נלהבה האט אויפגעטרעטן הגאון רבי יצחק מאיר שטערנבוך שליט"א ר"מ בישיבת מיר, וועלכער האט ארומגערעט איבער די חשיבות און גרויסקייט פונעם איצטיגן מעמד שגדולי הדור מסובין בה, נאכגעפאלגט מיטן באשטימטן סדר התפילה לישועת הכלל והפרט.
תגובות