געהויבענער חתונה אין מאנסי בחצרות טשערנאביל - אלעסק סטאניסלאוו - ספינקא בני ברק - נצח מנחם ספינקא

דינסטאג פ' בלק • י''ב תמוז תשפ"ה | בחצרות הקודש

בילדער קרעדיט: אברומי בערגער,JDN

הונדערטער חסידים ואנשי מעשה האבן זיך פאריגע וואך מיטגעפריידט ביי די געהויבענע שמחת החתונה בחצרות הקודש טשערנאביל - אלעסק סטאניסלאוו - ספינקא בני ברק - נצח מנחם ספינקא, בסימן טוב ובמזל טוב איז געגאנגען אונטער די חופה החתן אייניקל ביי כ"ק אדמו"ר מטשערנאביל שליט"א פון בארא פארק, א זון פון זיין איידעם הרה"צ ר' יעקב בער אשכנזי שליט"א אדמו"ר מסטאניסלאוו אלעסק, מיט די כלה א טאכטער פון הרה"צ ר' מרדכי כהנא שליט"א, זון פון כ"ק אדמו"ר מספינקא בני ברק שליט"א, און איידעם ביי כ"ק אדמו"ר מנצח מנחם ספינקא שליט"א, די שמחת החתונה איז פארגעקומען אין די ווילחאוויץ זאל אין מאנסי, במקהלות עם רב ובראשם די זיידע'ס האדמור"ים שליט"א און די רבנים קרובי המשפחה.